ЛДП со трибина “Македонија после “груевизмот“- либерални решенија“

На трибината ќе говорат Јован Манасијевски, поранешен министер за труд и социјална политика, кој ќе зборува за економијата, проф.д-р Никола Пановски кој ќе зборува за здравството, Драган Малиновски, адвокат и поранешен претседател на Комисијата за спречување на корупција кој ќе се осврне на правниот и судскиот систем. Никица Корубин ќе говори за моменталната состојба со човековите права и претседателот на ЛДП, Горан Милевски ќе зборува за моменталните политички случувања. 

Трибините имаат за цел да ги доближат граѓаните до ЛДП. Раководството подетално да се запознае со проблемите кои ги имаат и да се презентираат програмските решенија за истите, во очи на предвремените парламентарни избори, закажани за 24 април 2016 година. По тој повод, општинската организација на ЛДП Куманово ги поканува своите членови, симпатизери и сите заинтересирани граѓани да го проследат овој настан и преку размена на мислења со говорниците да придонесат за изнаоѓање на најквалитетни решенија за надминување на нивните проблеми“ - изјави Ивица Костовски, претседател на ЛДП Куманово. 

Вакви трибини ќе се организираат во градовите ширум Македонија.