Левица бара решавање на проблемите со аеро-загадувањето

Тие бараат: стопирање на претераната урбанизација во централното градско подрачје, изградбата на нови паркови и зелени површини, забрзување на процесот на гасификација и намалување на употребата на дрво, јаглен, мазут и информирање и едуцирање на локалното население за предностите од еколошката ефикасност, користењето на јавниот градски превоз и штетните ефекти од загадувањето.

Во спротивно, Левица стравува дека аеро-загадувањето во Куманово, што подеднакво влијае врз сите граѓани, без разлика на националната, класната, религиозната и политичката определба, ќе стане иреверзибилен процес и ќе остави трајни последици за иднината на нашиот град.

„Поради загаденоста се зголемува бројот на граѓаните со сериозни пулмолошки и алергиски проблеми, пред се појава на астма, ХОББ, рак на бели дробови. Причините за ваквата состојба се комплексни и не постојат од денес или утре, туку датираат веќе подолго време што само зборува за немањето компас или политичка волја на досегашните градските татковци за спроведување на мерки за санација или ублажување на проблемот со загадениот воздух“, - соопштуваат од Левица.