Луиза Винтон во посета на општина Куманово

Нејзиниот домаќин градоначалникот на Куманово, Максим Димитриевски, истакна дека се работи за прва посета од меѓународен претставник, а се разговарало за идната соработка со УНДП.

„Благодарен сум за целата подршка што ја имавме од оваа меѓународна институција во изминатиот период и се надевам дека во таков дух ќе продолжиме во наредниот период,“ - изјави Димитриевски.

Гостинката кажа дека како почесен граѓанин на Куманово одлучила нејзината прва посета по изборите да биде токму на Куманово.

„Драго ми е што продолжуваме со нашата соработка на довршување на проектот за заштита од поплави на реката Липковка. Но тоа е само еден од проектите, денеска сме тука да поразговараме за можни идни проекти и продлабочување на соработката“, - изјави Винтон.