Зачленете се во нашиот клуб на читатели и најновите текстови ќе ги добивате на вашата мејл адреса
Синдикалниот лидер Ванчо Mуратовски, денеска за првпат ги посети стечајците што веќе 55 дена штрајкуваат со глад во Куманово. При тоа тој им вети дека во февруари ќе достави нов Предлог - Закон, кој ќе биде ист за сите стечајци независно од нивната старосна граница.
Синдикатот никогаш не се откажал од стечајните работници и технолошки вишок и ќе ја тераме работата до крај.Нема да правиме договори и дилови само за одредена група луѓе, туку со новиот предлог закон сите ќе бидат вклучени без оглед на годините - рече Муратовски.
Tој најави дека синдикатот ќе изврши силен притисок и ќе организира протести пред Владата, а на премиерот тој му порача да ја повлече изјавата во која тврдеше дека луѓето доаѓаат од приватни фирми и не е надлежен да го реши нивниот проблем.
Сите овие луѓе работеле во државни фирми кои веројатно по криминален пат се приватизирани и заради тоа потоа ги изгубиле и фирмите и работните места .И затоа изјавата на премиерот не држи и треба да си ја повлече - изјави Муратовски.
Освен месечниот надомест до повторно вработување или пензионирање на стечајците, Сојузот на синдикати на Македонија ќе бара од владата и дополнителни мерки, оваа категорија граѓани да биде ослободена од плаќање на некои комунални давачки.
На прашањето зошто толку долго чекаше да ги посети стечајците, тој одговори дека не му треба политички маркетинг, а стечајците ја имаат нивната подршка бидејќи штрајкуваат во простории на РСС во Куманово.