Мургашанска:Советот ќе биде локален дом на демократијата
Новоизбраната претседателка на Советот на општина Куманово, Атина Мургашанска, по завршувањето на конститувната седница истакна дека Советот на Општина Куманово во наредните 4 години ќе биде локален дом на демократијата, каде ќе носат квалитетни одлуки во интерес на граѓаните.
„Длабоко сум убедена дека ќе имаме успешна соработка, дека ова ќе биде локален дом на демократијата, каде што со плодна конструктивна дискусија со креативни предлози, квалитетна демократска расправа ќе дојдеме до најдобри решенија во донесувањето на одлуките за кои е надлежен советот на општина Куманово.Сите овде независно од политичката и етничката определба сме со иста цел да креираме политики и да донесуваме одлуки, да работиме за подобар живот на граѓаните на општина Куманово“, -изјави Мургашанска.
Таа е посебно задоволна што првпат во историјата на политичкото организирање и делување во општина Куманово, жена е изберана за претседател на Советот, што значи родова еднаквост и еднакви можности на сите во општеството.
За Мургашанска гласаа 24 советници, а 9 беа против.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
