На Стража изгоре возило на кумановска фирма

Пожарот се случил синоќа во 22.15 часот, откако возачот В.Б.(32) од Куманово, застанал да наточи гориво.

Огнот  се појавил во долниот дел на моторот, а од страна на вработените возилото било истуркано надвор од бензинската пумпа. Веднаш потоа пожарот го зафатил целото возило. По интервенција на Територијалната противпожарна единица Гостивар, пожарот бил изгаснат.

Увид на местото на настанот извршила екипа на Полициска станица Гостивар. Се преземаат мерки за утврдување на причините за настанување на пожарот.