Најмладите започнаа со празнување на 11 Октомври

Дечињата од големата група заедно со учителките од објектот „Синоличка“ утринава положија свежо цвеќе и испејаа песнички пред бистата на народниот херој „Панче Пешев“.

„Ове е дел од нашите активности што ги имаме предвидени со програмата во текот на учебната 2017/18 година. Ние традиционално секоја година доаѓаме овде во основното музичко училиште „Панче Пешев“ да положиме цвеќе во чест на празникот 11 Октомври - Ден на востанието на македонскиот народ. Инаку сите дечиња од сите објекти на градинката положуваат цвеќе на најблиските споменици до градинките,- изјави Емилија Томиќ, учителка во големата група во објектот Синоличка, кој се наоѓа спроти градскиот стадион.

 Таа додава дека и покрај тоа што се работи за мали дечиња кои имаат само 5 години, за значењето на празникот учат преку песнички и стихотворби, разни говорни игри со кои се запознаваат зошто се празнува 11 Октомвври.

Во чест на празникот во секој објект на градинската се прави интерна приредба за децата.