Ноќеска во Куманово - 1, од понеделник дожд и снег

Најладно било во Берово со -4 степени, а најтопло во Ѓуриште и Дојран 4 степени.

Утринава времето е претежно ведро и релативно студено.

Времето денеска ќе биде сончево со мала локална облачност и со слаб ветер од променлив правец. По одделни котлини со слаба магла или заматеност.

Утре не очекува слично време на денешното.

И за време на викендот продолжува периодот на стабилно и суво време со појава на магла по одделни котлини.

Во недела ќе биде пооблачно, а кон крајот на денот подрачјето на Македонија ќе потпадне под влијание на влажен бран што во текот на ноќта и во понеделник преку денот ќе услови врнежи од дожд, како и врнежи од снег на планините, па и на некои повисоки места. Ќе дува и повремено засилен северен ветер проследен со намалување на дневните температури.