Новогодишен базар во „Перо Наков“

Граѓаните, родителите, учениците можат да купат од производите кои се нудат, а собраните средства ќе одат во хуманитарни цели.

Има новогодишни украси, честитки, марами и други изработки кои се направени од учениците од текстилната струка со нивните ментори на часовите по практична настава. Собраните средства ќе бидат наменети за хуманитарна цел,  за помош на една самохрана мајка со дете од Куманово. Базарот е отворен за ученици, родители, за луѓето кои живеат во близина во нашиот реон - изјави Лидија Тасевска, директорка на „Перо Наков“.

Традиционалниот новогодишен базар се одржува трета година по ред, и денеска ќе заврши во 18 часот. Во пресрет на празниците, училиштето е украсено и владее празнична атмосфера.