Објавен оглас за грантови за самовработување

Лицата коишто ќе аплицираат можат да добија опрема или репроматерјали во предвидениот износ. Фирмата има обврска да работи и покажува резултати и вработените да ги задржи најмалку 2 години.

„Оваа година новина е што може да дојде до здружување за една иста бизнис идеја, значи две лица да аплицираат, да го поминат целиот пат на обука и да им се направи бизнис план и да регистрираат друштво со ограничена одговорност и да земат 615.000 денари. Тоа е најголемата новина оваа година, а имаат можност за вработување на уште едно дополнително лице за што плус добиваат дополнителен грант во висина од 92.000 денари за лице постаро од 29 години и 153.750 денари за лице до 29 години, - изјави Младена Јакимовска, соработник во Центар за вработување Куманово.

Мерката е отворена до пополнување на бројката, поради што селектирањето ќе биде на месечно ниво.

Сите информации за огласот можат да се добијат во Центарот за вработување Куманово.