Зачленете се во нашиот клуб на читатели и најновите текстови ќе ги добивате на вашата мејл адреса
На Инфективното одделение во Кумановската болница завчера и вчера починаа тројца пациенти од компликации на коронавирус. Станува збор за две жени на вораст од 71 и 65 години од Липковско, и маж на 53 години од Куманово.
Според Центарот за јавно здравје во Куманово за една недела починале 8 пациенти, а досега вкупно 88 пациенти.
Вчера имаше нови 28 случаи позитивни на ковид-19, и тоа тројца се од Липковско и 25 од Куманово.
Од почетокот на кризата Куманово е коронажариште и регистрирани се вкупно 2.187 заболени, од нив 365 се активни.
Капацитетите на Инфективното одделение во Кумановската болница се целосно исполнети и поради големиот наплив на заболени од кронавирус во тек се активности за отворање на ново одделение за хоспитализација на пациенти во зградата каде што се сместени Одделенијата за неврологија и психијатрија.
Зачленете се во нашиот клуб на читатели и најновите текстови ќе ги добивате на вашата мејл адреса
