Од полноќ поевтини горива
За еден денар поевтинуваат бензините и екстра лесното масло за домаќинство, а дизелот за денар и половина, одлучи на денешната седница Регулаторната комисија за енергетика (РКЕ).
Новите цени ќе важат од полноќ. Еуросупер БС 95 изнесува 71 денар за литар, а Еуросупер БС 98 ќе се продава за 73 денари за литар. Екстралесното масло за домаќинство ќе чини за 51,5 денари за литар, додека новата цена на Еуродизелот (Д-Е V) изнесува 62,5 денари.
Малопродажната цена на мазутот М -1 НС се намалува за 0,81 денари за килограм и новата цена на овој енергенс ќе изнесува 33,897 денари.
Намалувањето на малопродажните цени на нафтените деривати во просек е за 1,96 проценти. РКЕ ја донесе одлуката врз основа на просечната цена на суровата нафта на светскиот пазар и курсот на денарот во однос на доларот во изминатите две недели.
НАЈНОВИ
-
Меѓународниот боксерски турнир „Мирослав Петровиќ“ му донесе спортска и туристичка промоција на Куманово
-
Зошто намерно се уништуваат “Чистота“ и “Пазаришта“?
-
„Гуд стајлинг“ слави роденден - една деценија посветеност на модата
-
Ограбен кумановец - го нападнале и му одзеле близу 200.000 денари
-
Денеска почнува уписот во средните училишта
-
Повеќе од 60 настани во 2,5 месеци на „Кривопаланечко културно лето“
