ОЈО оформи предмет за говорот на омраза за пожарите во Грција

Објавените текстови во социјалните мрежи се насочени кон пожарот во близина на Атина, Република Грција во кој има загинати и исчезнати лица.

Јавното обвинителство ќе испитува дали преку пишувањето на коментарите и написите на социјалните мрежи е извршено кривично дело за кое се гони по службена должност. Следува преземање на дејствија со цел обезбедување докази во предметот. Воедно, ќе се утврдува идентитетот на лицата кои преку објавување на написи и коментари учествувале во ширењето на говорот на омраза, - соопштува ОЈО.