Осмомартовски марш на СДСМ во Куманово

Маршот ќе се одржи во недела на 4 март, во 12 часот ќе тргне од спортската сала, а ќе продолжи по булеварот „Октомвриска револуција“, улицата Иво Лола Рибар и ќе заврши на Градскиот плоштад во Куманово, каде ќе се обрати лидерот на СДСМ Зоран Заев.   

- Ве поканувам сите независно од половата, партиската, политичката, верската и другата припадност, да ни се придружите во ова чекорење во нашата борба и нашето настојување за еднакви права, еднакви можности на жените и мажите. Сакам да нагласам дека во нашето марширање ќе ни се придружат над 5.000 жени од целата држава и истакнати општествено- политички работници, сите заеднички да го кренеме гласот за подобра положба на жената во општеството за еднакви можности и рамноправност,- изјави Атина Мургашанска, координаторка на Форум на жени на СДСМ, Куманово.

Маршот се организира веќе шест години по ред досега, во различни градови низ Македонија.