Отворена изложбата на слики од меѓународната ликовна колонија „Карпино“

Во наредните десетина дена публиката ќе има можност да ги види сликите на 21 домашен и меѓународен автор, кои годинава учествуваа на нашата позната ликовна колонија, која 15 години се организира во манастирот Карпино и комплексот „Грација“.

На свеченото отворање на изложбата, обраќање имаа градоначалникот на Куманово Максим Димитриевски и претседателот на мултимедијалното здружение „Карпино“ Зоран Павловски.

„ На колонијата беа изработени триесетина дела во разни техники, пред се од масло на платно, акрил, колажни техниким и др. Морам да напоменам дека во изминатиот период поминавме многу добро и лошо, но со многу труд успејаме да си го најдеме своето место и да се наметнеме како сериозна и почитувана ликовна колонија. Се надевам дека ќе издржиме уште многу години на задоволство на уметниците и граѓаните на Куманово“, - изјави Павловски.

Годинава, Колонијата беше домаќин на уметници од Полска, Романија, Босна и Херцеговина, Бугарија, Србија и Македонија.Меѓу авторите кои твореа се:Валентина Илиевска, Елеонора Накевска, Мирослав Величковски, Божица Милојевиќ, Страхил Петровски, Немања Јовановиќ, Томе Нешковски, Мики Трендафиловски, Александар Симоновиќ, Кармен Балан и други.  

Оваа година Колонијата слави јубилеј 15 години постоење и успешна работа, а изложбата е една од подобрите.