Во кола со прострелна рана пронајден жител на Никуштак

 Жител на липковското село Никуштак ноќеска бил пронајден со прострелна рана и без знаци на живот во неговиот автомобил на крстосницата помеѓу скопските села Радуша и Свиларе.

Полициските службеници од Сарај го пронашле лицето со повреда од огнено оружје во 01.40 часот во патничко возило „рено меган“ со пробни регистарски таблички.

„По преземени мерки било утврдено дека станува збор за А.А.(39) од с.Никуштак, општина Липково. Лекар од Итна медицинска помош констатирал смрт“, соопштува МВР. 

По наредба на Јавен обвинител, телото било предадено на обдукција. 

Се преземаат мерки за расчистување на случајот.

2008 - 2023 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk