Полицаец се самоповредил додека одземал нож од насилник
Полицаец вчера попладне си ја раскол дланката, додека одземал нож од насилник кој нападнал мајка и син во населбата Перо Чичо.
Инцидентот се случил вчера околу 14.00 часот, во двор од куќа на ул. „Анѓа Ранковиќ“ во Куманово, кога Џ.С. (33), кој бил пуштен на домашно отсуство од Казнено поправната установа Затвор Скопје, почнал расправија со неговата поранешна невенчана сопруга Н.Р.(47).
Тогаш нејзиниот син Р.Р. започнал да го турка Џ.С. и од масата земал кујнски нож продолжувајќи да се расправа со него. Џ.С. успеал да му го одземе ножот, а по кратко време, на местото на настанот дошла екипа од полициската станица Куманово. При обид да му го одземе ножот на Џ.С., еден полициски службеник се самоповредил, односно си нанел расекотина на дланката од левата рака.
Џ.С. бил приведен и спроведен во Казнено-поправната установа Идризово.
Повредата на полицискиот службеник му била санирана од екипа на Итна медицинска помош. Се преземаат мерки за целосно расчистување на случајот.
НАЈНОВИ
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
-
Девојче паднало во дупка на „Моша Пијаде“, случајот пријавен во полиција
-
Второ прскање од земја против возрасна форма на комарци во Куманово
-
Дали ВМРО-ДПМНЕ го награди Димитриевски поради неуспешните проекти или многуте афери, прашува Левица
