Поради недоразбирање „Панче Пешев“ остана без превоз, одговараат од Општина Куманово

 Во реакцијата се наведува дека во истиот ден имале 4 барања за користење на општинскиот автобус, но нема објаснување зошто играорците не биле известени за откажување на превозот.

„Општина Куманово секогаш излегува во пресрет на граѓаните во рамките на своите надлежности, без разлика дали тоа се поедници, здруженија или организации. Поради голем број на барања за користење на општинскиот автобус, настана недоразбирање кое во конкретниот случај произлегува од вкупно четири барања за користење на превоз во истиот ден. Во иднина, како и досега ќе продолжиме да ги подржуваме сите граѓани што го афирмираат нашиот град“, - соопштуваат од Општина Куманово.

КУД „Панче Пешев“ побара од Општината да каже зошто не е испочитуван договорот за користење на општинскиот автобус за кој добиле предходна согласност и да обелодени кој одлучил автобусот да се прати на друга линија.