Пријавување за бесплатни обуки за ИТ вештини за невработени лица
Од минатата недела започна пријавувањето на невработени лица за бесплатни обуки за стекнување напредни вештини од областа на информатиката.
Кандидатите можат да аплицираат за учество за програмските пакети: ORACLE – официјална обука за Java SE8 Programmer или ISTQB – официјална обука за тестери за квалитет на софтвер.
Обуките за напредни ИТ вештини ќе се спроведуваат во секој регион каде има минимум 10 (десет) пријавени и успешно положени кандидати во процесот на прелиминарна селекција. Обуката ќе трае од 3 до 6 месеци, вклучувајќи настава со користење на официјална литература, подготовка на кандидатите за сертификација и спроведување на испити за стекнување со меѓународно признат сертификат.
Кандидатите треба да имаат завршено средно или високо образование и да бидат евидентирани како невработени лица.
Пријавувањето е во Агенција за вработување Куманово, a огласот ќе биде отворен сè до целосно пополнување на предвидениот број на кандидати.
НАЈНОВИ
-
Дефект на водоводната мрежа на „Трета МУБ“, се работи на отстранување на проблемот
-
Поскапува дизелот, цената на бензините останува иста
-
Димитриевски ме тужи затоа што јавно го обелоденив неговиот криминал, вели Мургашанска
-
Куманово во јули ќе биде домаќин на Европската младинска олимпијада, натпреварите ќе се играат во реновираната спортска сала
-
Кривични пријави за бесправно градење и несовесно работење против две лица од Куманово
-
По 7 години отворен комплексот „Македонско село“
