Проект „СТОП за горење на органски отпад – ДА за компостирање„

На вчерашната конференција за печат која воедно имаше улога и на промотивен настан на проектот „СТОП за горење на органски отпад – ДА за компостирање„ , организаторите ги објавија своите проектни цели, очекувани резултати и  активности кои ќе бидат реализирани во наредниот период во некои од рурални средини во Општините Куманово, Липково и Старо Нагоричане.

„Главната цел на проектот е:  Зголемување на информираноста и практичните знаења на земјоделските субјекти од микро регионот за компостирање како можност за создавање на поголема плодност на земјоделските површини и намалување на бројот на диви депонии кои се извор на заразни болести и загадувачи на почвата и воздухот во заедницата“, - изјави Елизабета Цветковска, проект менаџер.

Проектот е наменет за заинтересирани 45 земјоделци од Липково, Куманово и Старо Нагоричане, минимум 3 локални еколошки здруженија и здруженија на земјоделци и претставници на бизнис сектор.

Имплементатор на проектот е Здружение за рурален развој Локална Акциона Група  АБЕР 2015, а проектот е финансиски поддржан од  Министерство за животна средина и просторно планирање.