Промовирана монографија „20 години пензионерско спортување“

Автор е Татјана Антиќ, а  во оваа монографија се сумирани спортските успеси на пензионерите во еден подолг период.

Ова е втора монографија за 10 години и го опфаќа периодот од 2005 до 2015 година. Во монографијата се наоѓаат сите спортски успеси на пензионерите, достигања, придонеси - рече Спирко Николовски, претседател на Здружението на пензионери Куманово.

На сите пензионери кои имаат завидни спортски резултати им беа доделени благодарници, а  на промоцијата присуствуваше градоначалникот Зоран Дамјановски и претседателот на Сојузот на здруженија на пензионери на Македонија, Драги Аргировски.