Се изработува сообраќајна студија за обележување на лежечките полицајци

„Во населбата Карпош на улицата 100 се поставени 6 асфалтни препреки, од влезот на населбата до поранешниот салон на НА-МА. И тоа е за поздравувaње, но поставени се повисоко од вообиченото и без сообраќајни знаци, што претставуваат опасност во сообраќајот“, - вели жител на населбата.

Градоначалникот Максим Димитриевски вели дека лежечките полицајци се поставени во фаза на изградба на улиците, а веќе се изготвуваат сообраќајни елаборати за нивно обележување.

„Нема да застанеме тука до крајот на 2017 и во 2018 ќе продолжиме со поставување на лежечките полицајци, бидејќи безбедноста на граѓаните е прв приоритет“, - изјави Димитриевски.        

Лежечките полицајци во населбите се поставуваат по барање на граѓаните, заради намалување на брзината на возилата и поголема безбедност во сообраќајот.