Се создава дива депонија на влезот на Режановце

Жителите на овој дел од Општина Куманово апелираат до надлежните да излезат на терен и да ги санкционираат луѓето кои ја уништуваат животната средина.

„Секојдневно со камиони и приколки истураат смет и шут во коритото на реката. Покрај тоа што се загадува животната средина, се стеснува и коритото, и со тоа се зголемува опасноста од поплави. Ние жителите од селото немаме начин да се справиме со овој проблем, затоа апелираме до инспекциските служби да ни помогнат“, - вели наш сограѓанин, кој ни испрати фотографии.

Тој додава дека вечера од камион бил исфрлен смет покрај патот што води кон Режановце, а тоа се случува секојдневно, главно од жителите од околните села, но и луѓе од населбата Бедиње, кои фрлаат се што ќе стигнат долж реката.