„Срма“ освои две награди на фестивал во Ивањица

Во силна конкуренција на ансамбли од Србија, Босна и Херцеговина и Република Српска, единствените претставници од Македонија, освоија прво место со оркестар и второ место со фолклорната група.

- Прв пат настапувавме во Ивањица и пред публиката се претставиваме со песни и игри Кумановско поле, песни и игри од Источна Македонија и Драчевка. Наидовме на одличен прием и оддушевување од публиката од нашиот настап и македонскиот фолклор. Децата беа одлично прифатени од домаќините и многу радосни што освоија две награди,- вели Марјан Бошковски, кореограф.

Ансамблот од Куманово го сочинувале 25 деца.