СТАВ: Историска можност да кажеме да за македонската иднина!

Доколку овој долгоочекуван компромис стане жртва на национализмот и политичкиот комформизам, ќе настапи тажен ден за дипломатијата, и тоа ќе биде изгубена шанса за што двете земји многу брзо ќе зажалат“ .

И токму тие, креаторите на меѓународната политика, сите европски и светски политички авторитети во Договорот препознаа влог во иднината на двете земји , но, се разбира, и на Балканот.

За разлика од порано, сегашниот македонски и грчки премиер, покажаа сосема поинаков вид на политичко однесување и токму затоа и се изнајде решение на повеќедеценискот спор. Двајцата покажаа лидерство кое води и е насочено кон иднината. Всушност, во основа на политичкиот ангажман на двајцата премиери за решавање на спорот со името, препознаваме силна волја да се успеее, силна волја отворено и чесно да се разговара за очекувањата, но и стравовите на своите народи.

Сепак, на референдумот граѓаните ќе го имаат клучот за отворање на европската перспектива, за подобар живот, за стабилна и безбедна иднина, за економски развој на земјата. Успешниот референдум ќе значи перспектива и место во заедницата на европските народи како најдобра заштита на достоинството, идентитетот на македонските граѓани.

Историјата, несомнено, има незаменливо и мошне значајно место за нас, впрочем како и за секој народ. Постојат периоди кога е потребнo посебно знаење и храброст да се направат нови чекори кои ,секако, водат во подобра иднина. Токму сега е тој период за Македонија, момент кога треба да го направиме тој историски исчекор со повеќе надеж за благосостојба и просперитет за сите нејзини граѓани.

Во копнежот за една таква Македонија во која граѓаните се ослободени од стравовите, предрасудите на минатото, ги вложуваме нашите пориви, сон и надеж за иднина во која нашиот идентитет се нашите граѓани.

Договорот е вистинско решение до кое се стигна преку посветен, одговорен и патриотски ангажман.

Впрочем, факт е дека не постои држава во светот што немала или, пак, во моментот нема некакви проблеми со некоја друга држава. И најсилните држави имале и посложени проблеми од нашите кои соодветно ги решавале. Улогата на политиката не е тие проблеми да се зголемуваат, туку напротив да се решаваат. Токму тоа е направено со договорот со Грција.

                                                    Лидија Тасевска, пратеник на СДСМ во Собранието на РМ