Три пожари во изминатото деноноќие во Куманово

Според информацијата од Регионалниот центар за управување со кризи, пожарникарите гаснеле запален оџак, конејнер и напуштен деловен објект.

„Првата интервенција е вчера во 9.02 часот на опожарен оџак на станбена зграда на ул. Лесковачка бр. 42. Интервенирано со 1 возило и 4 пожарникари, пожарот е ликвидиран и завршен во 10.10 часот. Втората интервенција од 10,45 до 11,00 часот на опожарен контејнер со смет на ул „11 Октомври“ бб. Интервенирано е со 1 возило и 2 пожарникари. Третата интервенција е на ул. „Тодор Велков“ во една од просториите на напуштената управна зграда од поранешната фабрика – „Житомел“ во 12.33 часот. Интервенирано е со 1 возило и 5 пожарникари, пожарот е локализиран и завршен во 13.35 часот“, - соопштуваат од РЦУК.