Ваши слики: Вака ли ќе имаме чист воздух?

Куманово е еден од најзагадените градови во државата. Секојдневно сме сведоци на висока концентрација на ПМ 10 честички во воздухот, кои се штетни по здравјето на луѓето. Надлежните постојано апелираат граѓаните да се воздржат од палење на гуми и друг отровен матерјал кој ја загадува животната средина, но попусто.

Во нашата редакција денеска околу 15 часот читателка испрати фотографија на која се гледа  густ чад кој се издига зад времените објекти на булеварот „Октомвриска револуција“.

Граѓаните бараат надлежните да ги откријат загадувачите на животна средина и да ги казнат.