Вечерва се одржува јубилеен „Мајски салон“

Оваа година покрај изложбата на фотографии на членовите на клубот, по повод 70 годишно постоење на ФКК Козјак, ќе има и ретроспективна изложба, каде што ќе се прикажат фотографии на поранешните членови на клубот.

Отворањето на изложбата е закажано за 20 часот.

Последен настан во низот ќе биде утре со кино-проекција на филмот „Копање“ режиран од Ивица Димитријевиќ и Мартин Иванов. Прикажувањето ќе биде во МКЦ „Козјак“ - Куманово со почеток во 20:00 часот, а карти за влез ќе може да се купат на билетара.

Во изминатите два дена јавноста можеше да посети целовечерна проекција на фотографии од членовите на фото-кино клуб „Козјак“ и пријателските фото клубови, како и почест за Лазар Ѓорѓевиќ, филмски работник.