Во “Боро Менков“ примопредавање на должноста командант на ЗОК
Во касарната „Боро Менков“ утре во 11.30 часот, ќе се одржи свеченост по повод примопредавање на должноста командант на Здружената оперативна команда.
Согласно указите од Претседателот на Република Македонија и Врховен командант на вооружените сили, Ѓорге Иванов за командант на ЗОК е поставен бригаден генерал Васко Ѓурчиновски. Предвидено е постројување на припадниците на ЗОК и церемонија на примопредавање на военото знаме на ЗОК и потпишување на извештаите за примопредавање, со што ќе се изврши и официјално примопредавање на должноста.
На свеченоста се очекува да присуствуваат министерот за одбрана на Република Македонија, Зоран Јолевски, началникот на генералштабот на АРМ и досегашен командант на ЗОК , генерал потполковник Методија Величковски, командантите на потчинетите единици на ГШ на АРМ и команданти на потчинетите единици на ЗОК.
НАЈНОВИ
-
Меѓународниот боксерски турнир „Мирослав Петровиќ“ му донесе спортска и туристичка промоција на Куманово
-
Зошто намерно се уништуваат “Чистота“ и “Пазаришта“?
-
„Гуд стајлинг“ слави роденден - една деценија посветеност на модата
-
Ограбен кумановец - го нападнале и му одзеле близу 200.000 денари
-
Денеска почнува уписот во средните училишта
-
Повеќе од 60 настани во 2,5 месеци на „Кривопаланечко културно лето“
