Волонтерите и пензионерите ги прославија „Свети Трифун“ и Валентин

На традиционалната музичко-забавна средба помеѓу пензионерите и волонтерите беа изведени извадоци од драми, претстави, се читаше љубовна поезија, со вино, песни и ора.

„Постарите не потсетуваат нас помладите колку е битно да се има љубов во животот и ни раскажуваат по некоја романтична приказна од нивниот живот, а пак ние младите ги ипресионираме со нашата хуманост и љубовта, која не штедејќи се себеси ја шириме во текот на цела година“- соопштуваат волонтерите од Клубот на млади при Црвен крст.

Ова дружење трае веќе 7 години, и се спроведува успешно помеѓу младите волонтери на Црвен крст и кумановските пензионери.