Загина мотоциклист во сообраќајна несреќа во Куманово

Според информациите од СВР Куманово, несреќата била пријавена во 12:46 часот, а во неа учествувале патничко моторно возило „сеат“, управувано од А.А. (64) од Куманово, и мотоцикл управуван од Д.С. (49).

Од здобиените повреди, мотоциклистот починал на местото на несреќата, а смртта ја констатирал лекар од Итната медицинска помош.

Увид на местото на несреќата извршиле јавен обвинител и увидна екипа од СВР Куманово. Причините за несреќата се утврдуваат.