19. 09. 2020 12:46

Зијах Соколовиќ со „Меѓуигра 0-24“ ќе ги отвори Деновите на комедија

Зијах Соколовиќ со „Меѓуигра 0-24“ ќе ги отвори Деновите на комедија

Со кабаре-претствата „Меѓуигра 0-24“ босанскиот актер Зијах Соколовиќ ќе го отвори годинешниов Меѓународен тетарски фестивал “Денови на комедија – Куманово 2020“, кој започнува во понеделник на 28 септември а ќе трае до 10 октомври.

Втора на репертоарот ќе биде претствата „Фанови“ во продукција на “УГД“ Штип, потоа Театар „Антон Панов“ од Струмица, со претствата „Секс, лаги и љубомора“, а ќе гостува и Театарско друштво „Маскарад“ Софија со претствата „Не се клади на Англичани“ во режија на Владлен Александров .

Во понеделник, на 5 октомври пред кумановската публика ќе се претстави Театар комедија Скопје, со „Човек, ѕвер и доблест“, а еден ден потоа Театар „Славија“ – Белград, Србија со „Женски разговори“.

Деновите на комедија ќе ги затворат домаќините Театар Куманово со претствата „Солдат“.

„Заради непредвидливата епидемиолошка ситуација во нашиот регион и државата организаторот го задржува правото на промена на претставите кои се на дадениот репертоар, како и промена на бројот на билетите доколку се добијат нови насоки и препораки.Билетите во строго ограничен број ( 100 ) ќе бидат во продажба два или еден ден пред почетокот на претставите, - соопштуваат од Центраот за култура.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk