Oд денеска исплата на парите за социјална и детска заштита Министерството за труд и социјална политика информира дека денеска започна исплатата на правата од социјална, детска и цивилна заштита за месец октомври 2021 година. Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 1 ноември 2021 година.
Бензините поскапи, дизелот поевтин за половина денар Регулаторната комисија за енергетика и водни услуги (РКЕ) денеска донесе одлука за зголемување на цените на бензините за половина денар и намалување на цените на дизелот и на екстра лесното масло за домаќинство исто така за половина денар.
Пронајдена неексплодирана минофрлачка граната во „Ајдучка чешма“ А.М. од Куманово пријавил во полицијата дека во населбата „Ајдучка чешма“, вчера пронашол неексплодирана минофрлачка граната од Втората светска војна со калибар 82мм.
Грантови за училишта за активности што го унапредуваат мултикултурализмот Министерството за образование и наука објави повик за доделување грантови за основните и јавните средни училишта кои ќе реализираат заеднички ученички активности што придонесуваат за развој и унапредување на мултикултурализмот, меѓуетничката интеграција и толеранцијата.
Заев поднесе оставка од функцијата премиер и лидер на СДСМ, поради поразот на локалните избори Премиерот Зоран Заев поднесува оставка од функциите премиер и претседател на СДСМ и го призна поразот на локалните избори. Тој им ја честиташе победата на политичките противници.
Жаклина Јовановска доби уште еден мандат од граѓаните Актуелната градоначалничка на Старо Нагоричене од СДСМ, Жаклина Јовановски, ја доби поддршката да ја води општината уште еден мандат.
Димитриевски останува градоначалник - слави победа на Градскиот плоштад во Куманово Назависниот кандидат за градоначалник и актуелен градоначалник Максим Димитриевски, вечерва прогласи победна во вториот круг на локалните избори и заедно со своите приврзаници слави во Куманово. Тој кажа дека сето тоа што било кажано во кампањата ќе биде и реализирано, затоа што се работи за остварливи проекти.
Илиевски му ја честиташе победата на Димитриевски Кандидатот за градоначалник на Куманово од СДСМ, Оливер Илиевски, вечерва му ја честиташе победата на противкандидатот Максим Димитриевски, од граѓанската иницијатива „За наше Куманово“. Тој објави дека разликата во гласови е околу 6000 во корист на Димитриевски.
Димитриевски води со над 4.000 гласови пред Илиевски Независниот кандидат за градоначалник на граѓанската иницијатива „За наше Куманово“, Максим Димитриевски води за околу 4000 гласови пред кандидатот за градоначалник на СДСМ, Оливер Илиевски, дознаваме од избори од штабовите.
Илиевски: Нека победи подобриот Кандидатот за градоначалник на СДСМ, Оливер Илиевски, денеска го оствари своето граѓанско право и на локалните иѕбори гласаше на гласачко место во основното училиште „Христијан Карпош“.
Димитриевски: Куманово отсекогаш било предвесник на големи промени Независниот кандидат за градоначалник на општина Куманово Максим Димитриевски, предпладнево го оствари своето гласачко право во вториот круг од локалните избори во Куманово.
Во Куманово излезноста до 18.30 часот е 48,97 отсто До 18.30 часот излезноста на гласачките места во Куманово каде се одржува втор круг за избор за градоначалници е 48,97 отсто. Од вкупно 93.986 гласачи гласале 41.301 граѓанин.
Во Куманово до 17 часот гласале над 41,71 процент од избирачите До 17 часот во Куманово гласале над 41,71 процент од избирачите, објави ДИК.
Еден починат и 23 новозаболени од коронавирус во Куманово Во последните 24 часа направени се 2.754 тестирања, а регистрирани се 349 нови случаи на ковид-19.
Излезноста во Куманово до 13 часот 22,86 отсто Без проблеми се одвива гласањето на сите изборни места во Куманово, соопштуваат од Општинската изборна комисија (ОИК).
Втор круг од локалните избори - се бираат градоначалници на Куманово и Старо Нагоричане Денеска се одржува вториот круг од локалите избори на кој граѓаните на Куманово и Старо Нагоричане бираат градоначалник.
