×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Партиско соопштение се објавува со цитирање на изворот, а не интегрално

    24.06.2020 20:15 | KumanovoNews

    Пишува: Мирослава Бурнс

    Објавеното партиско соопштение на ВМРО ДПМНЕ на веб страницата на 24 Инфо, осамна без никаква атрибуција на изворот, со интегрално пренесување, без стандардното и многу потребно оградување кое што инаку има за цел да ја обезбеди професионалната дистанца меѓу политичките субјекти и новинарите.

    Партиско соопштение се објавува со цитирање на изворот, а не интегрално

    Затоа, во информативните жанрови, новинарот не тврди, туку постојано цитира, прашува извори, контактира различни страни и останатото го остава на судот на јавноста. Првичниот наслов на текстот кој го рецензираме гласеше ,,Оливер Спасовски лаже како неговиот идол Зоран Заев”.

    Набрзо потоа, текстот го менува насловот и се додава дека тоа е всушност тврдење на ВМРО-ДПМНЕ, меѓутоа без да се посочи од што е истото тврдење инспирирано и на што се однесува. Поради временскиот период во кој е објавен овој текст, можно е истиот да е контрапункт на прес конференцијата на премиерот Оливер Спасовски одржана утринава, во која што тој децидно посочи дека ја одржува во својство на претседател на владата, а не во партиско својство. Но, во неатрибуираниот текст кој го рецензираме, се тврди токму спротивното и тоа неосновано.

    Оливер Спасовски лаже како неговиот идол Зоран Заев. Веднаш ги погази флоскулите кои самиот ги кажуваше на прес конференцијата. Тој е носител на листа на СДСМ, а прес конференцијата во владата ја искористи за пласирање на празни партиски флоскули и манипулации.

    Понатаму, во ниту еден дел од текстот, не е атрибуиран изворот и се поставува прашањето колку од читателите ќе препознаат дека се работи за партиско соопштение, кога тоа не е наведено. Можеби некои ќе помислат дека станува збор за став на непотпишаниот автор, но во секој случај, неопходно е да се цитира изворот, да се обезбедува професионална дистанца од политичките субјекти и добиените информации од партиските соопштенија ако не повеќе, барем редакторски да се обработат и да се наведе изворот.

    Бидејќи ништо од ова не е сторено, добиен е еден медиумски производ кој личи на коментар, не наведува цитати и извори и завршува со предизборниот слоган на ВМРО-ДПМНЕ.