02. 11. 2020 08:57

Куманово го победи ТФТ и во домашното првенство

Куманово го победи ТФТ и во домашното првенство

Кошаркарите на Куманово забележаа забележаа втора победа против тимот на ТФТ, овојпат во првото коло од домашното првенство со резултат 82:83.

Кумановчани имаа добар старт на натпреварот и предводени од Александар Андрејевиќ, Стефан Глигоријевиќ и Филип Стојановски само по 25 минути имаа предност од 54:38.

Меѓутоа по тој момент Куманово како да веќе сметаше дека се е завршено, па колата крена низбрдо. ТФТ до крајот на третиот период дојде до 10 поени негатива, а цврстата одбрана низ цел терен ги натера кумановчани на многу грешки а тројките на Митревски и Херис доведоа тимот од Тафталиџе да дојде до 1 поен негатива.

Прецизните слободни фрлања на Филип Стојановски и Горјан Марковски во последниот период ја одржуваа предноста на Куманово во оваа трилер завршница и на крај беше поставен конечниот резултат 82:83.

Александар Андрејевиќ постигна 16 поени, Филип Стојановски заврши 15 поени а Јован Црниќ и Горјан Марковски постигнаа по 14 поена. За тимот на ТФТ, Андерсон постигна 20 поени.

Следниот натпревар Куманово го игра во четврток со тимот на Берое од Бугарија на домашен терен.

Фото: kfsm.mk/

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk