Безживотно тело на маж најдено во зградата над „Мај маркет“

Луѓе од соседството велат дека најверојатно се работи за самоубиство, кое се случило помеѓу 7 и 7.30 часот во ходникот на првиот кат. Тие тврдат дека починатиот не е нивен сосед.

Според СВР Куманово, случајот кај нив е пријавен по телефон во 7.30 часот.  Сеуште не познат идентитетот на лицето кое со прострелна рана е пронајдено во ходникот на зградата.

Увид на лице место вршат екипи од крим техника, ОЈО и судка медицина. По увидот ќе се знае дали се работи за самоубиство или убиство.

Во зградата каде се случил немилиот настан живее градоначалникот на Куманово.