Бранителите ќе добијат споменик во Куманово

 Градоначалникот Зоран Дамјановски, вели дека локалната самоуправа нема право да гради споменици, но дека ќе одредат локација за таа намена во новата програма што треба наскоро да се донесе.

„Донесување на програма за спомен обележја е одговорност на советот на општината, но начелно имаме политичка согласност. Ние сме во преговори со бранителите од 2001-та година, бидејќи има една заложба на државно ниво во повеќе градови каде што има жртви од конфликтот во 2001-та година за давање на локација за спомен обележја, тоа ќе биде за сите заинтересирани невладини организации така што во програмата ќе бидат нотирани повеќе спомен обележја од припадници од други политички партии и други етнички заедници-, изјави Зоран Дамјановски, градоначалник на Куманово

Новите споменици ќе се постават во близина на спортската сала или во паркот покрај градскиот кеј на реката.