“Буквата за себе и човекот“ – изложба на Ана Јовановска

Делата од оваа изложба заокружуваат еден процес презентиран преку графики (традиционални и нетрадиционални), објекти и видео. Ова визуелно истражување е обид за разработка на човековиот придонес за неговата човечкост, односно за човековата природа во човековото општество на паралела со јазикот и прикажување на поврзаноста на структурите во општеството преку структурите кои ги нуди јазикот.

Ана Јовановска е родена 1991 година во Куманово, Македонија. Дипломирала при Факултетот за ликовни уметности во Скопје, Македонија во мај 2014 година, како графичар и графички дизајнер.