Дамјановски: Расположени сме да прифатиме добра идеја за кружен тек

„Секогаш сме расположени да прифатиме добра идеја. Досега биле разгледувани два идеи за изградба на кружен тек, но во двата случаи не добивме адекватни решенија, бидејќи кружниците зафаќаат голема површина. Кружниот тек би го зафатил Митев мост како и имоти во приватна сопственост. Ако се понуди идејно решение ќе ја прифатам таа иницијатива во интерес на граѓаните, и ќе биде вметнато во новата развојна програма. Размислуваме за кружница и кај спортската сла, но и таму би се зафатил поголем дел од шеталиштето на кејот“, - рече Дамјановски.

Тој рече дека етпано се работи и на санација и реконструкција на улиците во две зони од градот и најави дека ќе заврши до крајот на јуни. Што се однесува до изградба на велосипедски патеки, решение за нивна изградба ќе понуди сообраќајната студија.