Деновиве ќе започне новогодишното украсување на градот

 Градот ќе биде ускрасен приближно исто како и минатата година, велат надлежните.

„Украси и светлечки лампиони ќе бидат поставени на градскиот плоштад, на поголемите булевари „Октомвриска револуција„ и „Трета МУБ“, улиците во централното градско подрачје и на влезовите на градот. На плоштадот ќе биде поставена и новогодишна елка, - изјави Фадиљ Шабани, директор на „Куманово-паркинг“.

За оваа услуга претпријатието ќе плати 1.720.000 денари.

ЈП „Куманово-паркинг„ денеска ќе потпише договор со фирмата „Медија плус„ од Скопје, која како и минатата година ќе се погрижи на украсување на Куманово.

Граѓаните негодуваат дека украсувањето се врши многу доцна и дека градот ќе биде украсен само десетина дена.

Останатите градови во државата и соседството новогодишните празници почнаа да ги најавуваат на почетокот на месецот.