Еден повреден во судир на автобус и пикап

Сообраќајката се случила вчера во 16.30 часот, кога пикап со кумановски регистарски таблички, кој се движел од Кратово кон Куманово се судрил со бугарски автобус кој доаѓал од спротивната насока.

Повреден е возачот на пикапот, а 40-тина патници од Дупница кои се враќале од еднодневна ексурзија во Скопје останале неповредени.

Со возило на Итна помош повредениот кратовец е префрлен во Ургентниот центар каде е констатирано дека има скршеница на реброто, заради што е задржан на болничко лекување.

Истрагата ќе утврди кои се причините за сообраќајната несреќа.