Фестивал на афоризми и карикатура “Струмица 2017“ во Куманово
Во Изложбениот салон на Центар за култура „Трајко Прокопиев“ во Куманово, утре во 20 часот ќе биде отворена изложбата на Фестивалот на афоризмот и карикатурата „Струмица 2017“.
Изложбата содржи триесеттина најуспешни карикатури работени во повеќе ликовни техники, а паралелно со нив ќе бидат промовирани и наградените афоризми интерпретирани од професионални актери.
Се работи за традиционален интернационален фестивал којшто годинава се одржува по 18-ти пат, а темата е еротика. Фестивалот е составен дел на традиционалниот Струмички карневал и претставува културен бренд по којшто градот се промовира на меѓународен план.
На отворениот конкурс оваа година во Струмица пристигнаа околу 400 афоризми и 200 карикатури од триесет земји од светот.
Организатор и координатор на проектот е Центар за култура „Антон Панов“ – Струмица.
Изложбената поставка ќе може да се посети до 12 април годинава.
НАЈНОВИ
-
Повреден градежен работник во Крива Паланка
-
Противпожарно возило со хидраулична скала донација од Австрија ќе добие Куманово
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
