Гимназијалци ќе го посетат Санкт Петербург

Целта на посетата е да се популаризира рускиот јазик.

„Ќе замине 16 члена делегација, 10 ученици, 5 професори и директорот на училиштето и претставник на Совет на општина Куманово. Главно разговараме за подобрување на образовниот систем во двете земји и популаризација на рускиот јазик во Македонија“, - изјави Биљана Коцевска, професорка по руски јазик.

Делегацијата ќе учествува и на меѓународната конференција на тема „Дијалог на два јазика, две култури, како еден од правците на социјално проектирање во образовната установа“. Планирани се и други семинари и средби со повеќе претставници од образовните институции на Санкт Петербург.

Соработката помеѓу кумановската гимназија и училиштето од Санкт Петербург започна во 2009 година.