Хроничните болни и бремните жени ослободени од работа поради студот

Министерството за здравство препорачува, денеска и утре да се ослободат од работа бремените жени и хронично болните лица над 60-годишна возраст, а за работниците на отворено да се реорганизира работното време, поради екстремно ниските температури кои можат да бидат ризични по нивното здравје.

Работниците, кои што работат на отворено треба работните обврски да ги практикуваат од 10 до 16 часот со повремени паузи на секои два часа по половина час во топла просторија и со топли напитоци се со цел заштита на нивното здравје.

Препораките се однесуваат на целата држава со посебен акцент на Осоговско-малешевскиот и на Полошкиот регион.