Игра на троновите: Едукативна посета на Кокино

Настанот е од промотивен карактер, a основната цел е популаризација на македонската археологија и културното наследство. Меѓународниот ден на археологијата е светски настан кој ја слави археологијата и ја подигнува свеста за неа како наука, во исто време обезбедувајќи можност за учество на јавноста во археолошките активности, дебати и настани од разновиден карактер, пренесува порталот Плусинфо.

Целодневната екскурзија ќе започне со посета на Кокино, археолошки локалитет од бронзеното доба и архео-астрономската опсерваторија и ќе го опфати Североисточниот дел на Република Македонија. Во разгледот се вклучени посетата на месноста ,,Светиот Даб”, оригиналната византиска црква Св. Ѓорѓи (1313 год) и монашката ќелија на Св. Прохор Пчињски во с. Старо Нагоричино, како и посета на Музејот на град Куманово во Куманово.