Истураат градежен шут од 5-ти кат

Покрај прашината која паѓаше на минувачите, на сите страни летаа парчиња од песок, камења и бетон, па сите што се најдоа тука бегаа настрана, и со неверување гледаа што се случува.

„Невидено безобразие и самоволие. Истураат остатоци од малтер од 15 метри, наместо да го спуштаа со кофи или да пуштаат низ некоја цевка за да нема прашина. Се живо испрашија и извалкаа. Ќе ги прашам да се некаде на запад, веднаш ќе им ја затворат фирмата, а овде прават што сакаат, - вели еден гастарбајтер, кој со своите две деца шеташе по плоштадот.

И останатите граѓани ги повикуваа инспекциските служби да го посетат градилиштето и да побараат од работниците да ги почитуваат правилата за градба, за да не ја загрозуваат нивната безбедност и да не ја уништуваат животната средина.