Изгоре трло, спасени 450 овци

 Како што ни изјавија од Противпожарната единица Куманово, пожарот кај нив е пријавен во 13.30 часот, по што со 3 возила и 6 пожарникари веднаш излегле на терен, и  5 часа се бореле со огнената стихија.

Во трлото имало 450 овци, кои пожарникарите успејале да ги извадат и да ги спасат. Пожарот бил ставен под контрола во 18.10 часот. Покрај објектот во пожарот изгорело жито и храна за добитокот.

Матерјалната штета допрва ќе се утврдува. Увид извршила полицијата која треба да ги открие причините за пожарот.

                                                     (фото архива)