Изложба на колажи на Валентина Илијевска
Во Изложбениот салон на Центарот за култура “Трајко Прокопиев“ – Куманово во четврток во 20 часот ќе биде отворена изложба на колажи со наслов “Малото девојче во светот со големи очекувања за човекот“ од авторката Валентина Илијевска.
Изложбата содржи 25 дела и веќе беше претставена во Скопје.
Валентина Илијевска(29) e родена во Скопје, а живее и работи во Куманово
Завршила средно образование при ДСУПУ ,,Лазар Личеноски”-Скопје и дипломирала на Факултетот за ликовни уметности (ФЛУ)- Скопје, оддел графика и графички техники во класата на проф. Мирко Вујисиќ со насока на конзервација и реставрација со проф. Невенка Величковска и Момчило Трајковски. Магистер е по конзервација и реставрација на ѕидно сликарство.
Учествувала на повеќе изложби во земјата и странство, како и на ликовни колонии.
„Изложбата е одраз на секојдневните случувања и нашите опкружувања. За падот на империјата со која раководат рациото и емоцијата. Помалку критикувани, а повеќе вреднувани со ликовниот јазик. Комбинираната техника во делата е симбиоза на сликарските техники, како пандан на затечената состојба на современиот човек...“- напишала авторката.
Изложбата ќе биде поставена во наредните 14 дена.
НАЈНОВИ
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
