Кривична пријава за претседателот на огранокот на СДСМ

Како што соопштува МВР, инцидентот се случил во вторникот во 19.40 часот на улицата „Илинденска“ пред кафе барот „Корзо“, кога двајца трактористи кога тргнале дома по завршување на маршот ги пресретнал М.К.(34) од Куманово. Тој се нафрлил на првиот тракторист Р.Ц.(56) од селото Пчиња и почнал да удира по тракторот упатувајќи му навредливи зборови. Потоа заминал кон вториот тракторист Н.М.(23) и без никаков повод и причина го навредувал, го повлекол од тракторот и физички го нападнал ударајќи го со тупаници во пределот на телото, нанесувајќи му при тоа телесни повреди-контузија на кичмата.

Веднаш по инцидентот М.К. бил приведен во Кумановската полиција и по извршен алкотест откриени му се 1.47 промили алкохол во крвта.

По целосно документирање и расчистување на настанот до ОЈО Куманово ќе биде поднесена кривична пријава за извршено кривично дело насилство, - соопштуваат од МВР.