Кумановци имаат навика да купуваат книги

 Ова го тврдат продавачите од издавачката куќа Три од Скопје, кои веќе два дена продаваат книги на штандот пред Центарот за култура.

  „Изненадена сум од големата заинтересираност на кумановци, во ниту еден друг град посетеноста не беше како овде. Кумановци најчесто купуваат љубовни и криминалистички романи од македонски и странски автори“,- вели Дајана Стојадиновска.

 Најмногу се продаваат книгите од Доналд Трамп, Робин Шарман, Игор Џамбазов, Винка саздова и др. На сите книги има саемски попуст од 30 проценти. Штандот со книги во Куманово ќе биде поставен секој ден до сабота од 9 до 20 часот.